AsiaUrdu

امریکی وزیر خارجہ مارکو روبیو نے کہا ہے کہ اگر ایران امریکا کے ساتھ بہتر معاہدہ کرنا چاہتا ہے تو واشنگٹن اس کے لیے تیار ہے، لیکن اگر ایران مفاہمتی یادداشت کی پاسداری نہیں کرتا تو امریکا کے پاس مختلف آپشنز موجود ہیں۔

انہوں نے کویت سٹی میں میڈیا سے گفتگو کرتے ہوئے کہا کہ امریکا کے خلیجی ممالک کے ساتھ تعلقات مضبوط ہیں اور تیل کی قیمتوں میں مسلسل کمی آ رہی ہے۔

مارکو روبیو نے واضح کیا کہ کسی بھی ملک کو آبنائے ہرمز میں ٹول ٹیکس عائد کرنے کی اجازت نہیں دی جائے گی، کیونکہ یہ عالمی تجارت اور توانائی کی ترسیل کے لیے انتہائی اہم گزرگاہ ہے۔

انہوں نے مزید کہا کہ صدر ڈونلڈ ٹرمپ چاہتے ہیں کہ ایران معاہدے کی مکمل پاسداری کرے اور طے شدہ شرائط پر عملدرآمد یقینی بنایا جائے۔