AsiaUrdu

چین کے سائنس دانوں نے ایک نئی قسم کی پلاسٹک تیار کی ہے جو استعمال کے بعد خود بخود ختم ہو سکتی ہے اور اس سے مائیکرو پلاسٹک پیدا نہیں ہوتا۔

ماہرین کے مطابق یہ “زندہ پلاسٹک” ایسے جراثیم پر مشتمل ہے جو مخصوص حکم ملنے پر پلاسٹک کو توڑنے والے اینزائم خارج کرتے ہیں، جس سے یہ مکمل طور پر تحلیل ہو جاتی ہے۔

عام پلاسٹک اشیاء ماحول میں کئی دہائیوں تک موجود رہتی ہیں اور آلودگی کا بڑا سبب بنتی ہیں، تاہم یہ نئی ایجاد اس مسئلے کو کم کرنے میں اہم کردار ادا کر سکتی ہے۔

ماہرین کا کہنا ہے کہ اگر اس ٹیکنالوجی کو بڑے پیمانے پر استعمال کیا گیا تو دنیا میں بڑھتے ہوئے پلاسٹک ویسٹ اور ماحولیاتی آلودگی پر قابو پانے میں مدد مل سکتی ہے۔