AsiaUrdu

چینی صدر شی جن پنگ نے اعلان کیا ہے کہ چین اپنی مسلح افواج کی ترقی کو عالمی معیار کے مطابق تیز کرے گا اور مقررہ وقت کے اندر قومی دفاع اور فوج کی جدیدکاری کا عمل مکمل کیا جائے گا۔

انہوں نے کمیونسٹ پارٹی کے 105ویں یومِ تاسیس کے موقع پر خطاب کرتے ہوئے کہا کہ عالمی معیار کی چینی فوج کی تشکیل وقت کی اہم ضرورت ہے۔ ان کے مطابق فوج کے قیام کے 100 سال مکمل ہونے کے اہداف بروقت حاصل کیے جائیں گے۔

چینی صدر نے کہا کہ قومی خودمختاری، سلامتی اور ترقیاتی مفادات کا ہر صورت دفاع کیا جائے گا۔ انہوں نے زور دیا کہ ایک مضبوط ملک کے لیے مضبوط فوج ناگزیر ہے اور طاقتور مسلح افواج کے بغیر قومی سلامتی ممکن نہیں۔

شی جن پنگ کا کہنا تھا کہ چین اپنی فوجی ترقی کے منفرد راستے پر قائم رہے گا اور فوج کے سیاسی، تکنیکی، افرادی اور قانونی شعبوں کو مزید مضبوط بنایا جائے گا۔ انہوں نے کہا کہ چین عالمی امن اور ترقی کے فروغ میں بھی اپنا کردار مزید مؤثر بنائے گا۔