AsiaUrdu

ایک نئی تحقیق میں بتایا گیا ہے کہ سویا اور دالوں کا استعمال ہائی بلڈ پریشر (بلڈ پریشر بڑھنے) کے خطرے کو کم کرنے میں مددگار ثابت ہو سکتا ہے۔

یہ تحقیق 12 مختلف مطالعات کے تجزیے پر مبنی ہے، جس میں ہزاروں افراد کے ڈیٹا کا جائزہ لیا گیا۔ ان مطالعات میں شرکا کی تعداد 1152 سے لے کر 88 ہزار 475 تک رہی۔

تحقیق کے مطابق دالوں اور سویا کے زیادہ استعمال اور ہائی بلڈ پریشر کے کم خطرے کے درمیان ایک ممکنہ مثبت تعلق پایا گیا ہے، جس سے ظاہر ہوتا ہے کہ پودوں پر مبنی غذا صحت کے لیے فائدہ مند ہو سکتی ہے۔

یہ تحقیق برطانیہ میں ماہرین کی ایک ٹیم نے کی ہے اور اسے غذائیت اور صحت کے ایک معروف جریدے میں شائع کیا گیا ہے۔ ماہرین کے مطابق متوازن غذا، خاص طور پر دالوں اور سویا جیسے اجزاء کا استعمال دل اور بلڈ پریشر کی صحت کو بہتر بنانے میں کردار ادا کر سکتا ہے۔