AsiaUrdu

ایران اور امریکہ کے درمیان جاری جنگ کے اثرات عالمی معیشت پر گہرے ہوتے جا رہے ہیں۔ آج پاکستان سٹاک مارکیٹ میں کاروبار کے آغاز سے ہی منفی رجحان رہا اور انڈیکس یکدم 3000 پوائنٹس گر کر 1 لاکھ 58 ہزار کی سطح پر آگیا۔ عالمی منڈیوں میں بھی کہرام مچا ہوا ہے جہاں جنوبی کوریا کی مارکیٹ میں 12 فیصد کی تاریخی گراوٹ دیکھی گئی۔ جاپان کا نکی انڈیکس 3 فیصد جبکہ یورپی مارکیٹس بھی شدید مندی کی لپیٹ میں ہیں۔ ماہرین کا کہنا ہے کہ جنگ کے باعث سپلائی لائن متاثر ہونے سے خام تیل 84.50 ڈالر فی بیرل کا ہو چکا ہے اور گیس کی قیمتیں دگنی ہو گئی ہیں، جس کا براہِ راست اثر پاکستان جیسی ابھرتہی ہوئی معیشتوں پر پڑے گا۔ سرمایہ کاروں میں غیر یقینی کی صورتحال برقرار ہے اور وہ محفوظ پناہ گاہوں کی تلاش میں ہیں۔