AsiaUrdu

حکومت نے پٹرولیم مصنوعات کی قیمتوں میں ردوبدل کا اعلان کرتے ہوئے پٹرول کی قیمت میں معمولی کمی جبکہ ہائی سپیڈ ڈیزل کی قیمت میں اضافہ کر دیا ہے۔

جاری کردہ نوٹیفکیشن کے مطابق پٹرول ایک روپے فی لیٹر سستا ہونے کے بعد نئی قیمت 334 روپے 18 پیسے فی لیٹر مقرر کر دی گئی ہے۔

دوسری جانب ہائی سپیڈ ڈیزل کی قیمت میں 3 روپے 37 پیسے فی لیٹر اضافہ کیا گیا ہے جس کے بعد نئی قیمت 386 روپے 83 پیسے فی لیٹر ہو گئی ہے۔

حکام کے مطابق نئی قیمتوں کا اطلاق رات 12 بجے کے بعد سے نافذ کر دیا گیا ہے، جس سے ٹرانسپورٹ اور اشیائے ضروریہ کی قیمتوں پر اثر پڑنے کا امکان ہے۔