AsiaUrdu

پٹرولیم ڈویژن نے اعلان کیا ہے کہ پٹرول اور ڈیزل کی موجودہ قیمتیں 27 جولائی تک برقرار رہیں گی۔ اس حوالے سے باضابطہ نوٹیفکیشن بھی جاری کر دیا گیا ہے۔

حکام کے مطابق ہفتہ اور اتوار کے دوران پٹرولیم مصنوعات کی قیمتوں میں کوئی تبدیلی نہیں کی جائے گی اور عوام کو موجودہ نرخوں پر ہی پٹرول اور ڈیزل دستیاب ہوگا۔

نوٹیفکیشن میں بتایا گیا ہے کہ پٹرول، ہائی اسپیڈ ڈیزل اور دیگر مصنوعات کی قیمتیں 27 جولائی تک نافذ العمل رہیں گی۔

حکام کا مزید کہنا ہے کہ فی الحال قیمتوں میں اضافے یا کمی کا کوئی فیصلہ نہیں کیا گیا، جبکہ نئی قیمتوں کا اعلان آئندہ جائزے کے بعد کیا جائے گا۔