AsiaUrdu

اسلام آباد: پاکستان ٹیکسٹائل کونسل (پی ٹی سی) نے وزیراعظم محمد شہباز شریف، نائب وزیراعظم سینیٹر محمد اسحاق ڈار اور وفاقی وزیر تجارت جام کمال خان کے برآمدی صنعت کے لیے مارکیٹ پر مبنی امدادی اقدامات کا خیرمقدم کیا ہے۔

چیئرمین پی ٹی سی فواد انور نے کہا کہ ایکسپورٹ ری فنانس فیسیلٹی (ERF) کی شرح میں کمی اور صنعتی بجلی پر سبسڈی ہٹانے کے اقدامات معیشت کے استحکام اور برآمدات میں اضافہ کے لیے مثبت اقدامات ہیں۔ انہوں نے کہا کہ مارکیٹ سے جڑی حقیقی شرح تبادلہ، ویلیو ایڈڈ ٹیکسٹائل کی مسابقت اور سرمایہ کاری سے منسلک ٹیکس مراعات برآمدی نمو کو مضبوط کریں گی۔

پی ٹی سی نے حکومت کے ساتھ تعاون کے عزم کا اعادہ کرتے ہوئے کہا کہ یہ اقدامات میکرو اکنامک استحکام، ملازمتوں کی تخلیق اور زرمبادلہ کی آمدنی کے لیے اہم ہیں۔