AsiaUrdu

آغا خان یونیورسٹی اسپتال کے ماہرین نے کہا ہے کہ پاکستان میں تاحال نپاہ وائرس کا کوئی کیس رپورٹ نہیں ہوا اور ملک کے لیے براہِ راست خطرہ موجود نہیں ہے۔
نپاہ وائرس ایک زونوٹک انفیکشن ہے جو جانوروں سے انسان میں منتقل ہوتا ہے، تاہم انسان سے انسان میں منتقلی کم ہوتی ہے۔ دنیا میں گزشتہ سال صرف 10 کیسز رپورٹ ہوئے، زیادہ تر مشرقی بھارت، بنگلادیش اور سنگاپور میں۔
ماہرین نے عوام کو مشورہ دیا کہ ہاتھ دھوئیں، پھل دھو کر کھائیں اور آدھا کٹا پھل نہ استعمال کریں۔ پاکستان میں نپاہ کے مقابلے میں خسرہ، چکن پاکس، ایچ آئی وی اور ہیپاٹائٹس سی بڑے صحت کے چیلنجز ہیں۔