AsiaUrdu

سندھ کے صوبائی وزیر لائیواسٹاک اینڈ فشریز محمد علی ملکانی نے امید ظاہر کی ہے کہ یورپی یونین کے آئندہ دورہ پاکستان کے بعد مچھلی کی برآمد پر عائد پابندی ختم ہو سکتی ہے۔

انہوں نے کہا کہ اگر یورپی یونین کی ٹیم کراچی فشریز ہاربر اور متعلقہ اداروں کا معائنہ مثبت انداز میں مکمل کرتی ہے تو پاکستان کو دوبارہ مچھلی برآمد کرنے کی اجازت ملنے کا امکان ہے۔

اس موقع پر حکام نے بتایا کہ وفد پاکستان کی تیاریوں کا جائزہ لے گا اور دیکھے گا کہ تمام اقدامات یورپی یونین کی گائیڈ لائنز کے مطابق ہیں یا نہیں۔

کراچی میں منعقدہ اجلاس میں فشریز کے اعلیٰ حکام اور متعلقہ اداروں کے نمائندوں نے بھی شرکت کی۔

حکام کے مطابق پابندی ختم ہونے سے پاکستان کو برآمدات میں اضافہ اور قیمتی زرمبادلہ حاصل ہونے کی توقع ہے۔