AsiaUrdu

وفاقی وزیر صحت مصطفیٰ کمال نے اعلان کیا ہے کہ اسلام آباد کے 42 نجی ہسپتالوں کو صحت سہولت پروگرام میں شامل کر لیا گیا ہے۔

انہوں نے کہا کہ ان ہسپتالوں میں مریضوں کے علاج کے تمام اخراجات حکومت برداشت کرے گی تاکہ سرکاری ہسپتالوں پر بڑھتا ہوا دباؤ کم کیا جا سکے۔

وفاقی وزیر کے مطابق اسلام آباد سمیت قریبی علاقوں سے بڑی تعداد میں مریض آنے کی وجہ سے سرکاری ہسپتالوں میں رش بڑھ گیا ہے، جس سے سہولیات کے معیار پر اثر پڑ رہا ہے۔

انہوں نے بتایا کہ حکومت اور نجی شعبے کے اشتراک سے صحت کے نظام کو بہتر بنانے کی کوشش کی جا رہی ہے تاکہ عوام کو معیاری علاج فراہم کیا جا سکے۔

مصطفیٰ کمال نے خبردار کیا کہ پروگرام کے تحت شامل کسی بھی ہسپتال کی غفلت یا ناقص علاج کی صورت میں اسے فوری طور پر اسکیم سے نکال دیا جائے گا۔