AsiaUrdu

ایران اور امریکا کے درمیان جاری کشیدگی میں وقفے کے باعث عالمی منڈی میں خام تیل اور قدرتی گیس کی قیمتوں میں نمایاں کمی دیکھنے میں آئی ہے۔

برطانوی خام تیل کی قیمت تقریباً 5 فیصد کم ہو کر 92 ڈالر فی بیرل پر آ گئی ہے، جبکہ امریکی خام تیل بھی 5 فیصد سستا ہو کر 85 ڈالر فی بیرل میں ٹریڈ ہو رہا ہے۔

اسی طرح متحدہ عرب امارات کے مربن کروڈ آئل کی قیمت میں 10 فیصد سے زائد کمی ریکارڈ کی گئی ہے اور یہ 97 ڈالر فی بیرل تک آ گیا ہے۔

عالمی مارکیٹ میں قدرتی گیس کی قیمتوں میں بھی 2 فیصد سے زیادہ کمی دیکھی گئی ہے۔ ماہرین کے مطابق اگر جنگ دوبارہ شدت اختیار کرتی ہے تو تیل کی قیمتیں بڑھ کر 200 ڈالر فی بیرل تک جا سکتی ہیں، جبکہ امریکا کے ذخائر میں بھی تیزی سے کمی ہو رہی ہے۔