AsiaUrdu

بین الاقوامی توانائی ایجنسی کے سربراہ فاتح بیرول نے خبردار کیا ہے کہ جنگ کے باعث تیل کی فراہمی متاثر ہونے سے عالمی توانائی منڈیاں مشکل حالات کی طرف جا رہی ہیں۔

انہوں نے کینیڈا گروتھ سمٹ سے خطاب کرتے ہوئے کہا کہ تیل کی قیمتیں مسلسل اتار چڑھاؤ کا شکار ہیں، جس کی ایک بڑی وجہ جنگ بندی سے متعلق غیر یقینی صورتحال اور آبنائے ہرمز کی ممکنہ بحالی ہے۔

ان کے مطابق عالمی منڈی میں خام تیل کی قیمتیں تقریباً 96 ڈالر سے بڑھ کر 102 ڈالر فی بیرل سے بھی تجاوز کر رہی ہیں، اور موجودہ صورتحال میں سب سے بڑا مسئلہ شدید غیر یقینی ہے۔

فاتح بیرول نے مزید کہا کہ اگر سپلائی میں رکاوٹیں برقرار رہیں تو بین الاقوامی توانائی ایجنسی اپنے اسٹریٹجک ذخائر سے مزید تیل جاری کرنے کے لیے تیار ہے تاکہ منڈی کو مستحکم رکھا جا سکے۔