AsiaUrdu

لاہور کے میو ہسپتال سے وزیر اعلیٰ پنجاب اسٹروک پروگرام کے تحت فراہم کی جانے والی لاکھوں روپے مالیت کی قیمتی ادویات چوری ہونے کا انکشاف سامنے آیا ہے۔ ہسپتال ذرائع کے مطابق فالج کے علاج میں استعمال ہونے والے تقریباً 15 لاکھ روپے مالیت کے ٹی پی انجکشن ایمرجنسی وارڈ سے غائب پائے گئے۔ یہ انجکشن فالج کے مریضوں کی جان بچانے اور جسمانی معذوری سے محفوظ رکھنے کے لیے مفت فراہم کیے جاتے ہیں۔ ہسپتال انتظامیہ کا کہنا ہے کہ واقعے کی تحقیقات جاری ہیں اور ابتدائی انکوائری میں انجکشنز کی گمشدگی ثابت ہو چکی ہے۔ معاملے پر 5 ڈیٹا انٹری آپریٹرز اور ڈسپنسرز کے خلاف محکمانہ کارروائی شروع کر دی گئی ہے۔