AsiaUrdu

کوئٹہ میں بلوچستان اسمبلی نے خواتین کی صحت اور حفظانِ صحت سے متعلق ایک اہم قرارداد متفقہ طور پر منظور کر لی ہے۔ اس قرارداد میں مطالبہ کیا گیا ہے کہ خواتین کی صحت سے متعلق مصنوعات اور ان کے خام مال پر عائد تمام ٹیکسز ختم کیے جائیں تاکہ یہ اشیاء سستی اور آسانی سے دستیاب ہو سکیں۔

قرارداد پیش کرتے ہوئے رکن اسمبلی رحمت صالح بلوچ نے کہا کہ بلوچستان میں تقریباً 89 فیصد خواتین محفوظ اور کم قیمت میں ماہواری سے متعلق ضروری مصنوعات تک رسائی نہیں رکھتیں، جو ایک سنگین مسئلہ ہے۔

اجلاس کے دوران دیگر خواتین ارکان نے بھی اس قرارداد کی بھرپور حمایت کی اور اس بات پر زور دیا کہ خواتین کی صحت اور صفائی کا معاملہ ایک اہم سماجی مسئلہ ہے جسے اکثر نظر انداز کیا جاتا ہے۔ انہوں نے حکومت سے مطالبہ کیا کہ اس مسئلے کے حل کیلئے فوری اقدامات کیے جائیں۔