AsiaUrdu

واہ کینٹ میں ایک کم عمر مسواک فروش لڑکی کے اغوا اور اس کے ساتھ کئی روز تک زیادتی کیے جانے کا افسوسناک واقعہ سامنے آیا ہے۔ متاثرہ لڑکی 13 دن بعد اغوا کاروں کے چنگل سے نکلنے میں کامیاب ہوگئی۔

متاثرہ لڑکی کی بہن نے پولیس کو بتایا کہ وہ اپنی 15 سالہ بہن کے ساتھ مسواک فروخت کر رہی تھی کہ واہ کینٹ کے علاقے میں ایک مقام پر اس کی بہن پیچھے رہ گئی اور اچانک لاپتہ ہوگئی۔

بیان کے مطابق چند روز بعد لڑکی نے نامعلوم نمبر سے فون کر کے بتایا کہ اسے اغوا کیا گیا ہے اور اغوا کاروں نے اسے کئی دن تک زیادتی کا نشانہ بنایا۔

واقعے کی اطلاع ملنے کے بعد پولیس نے مقدمہ درج کر لیا ہے اور ملزمان کی تلاش شروع کر دی گئی ہے۔

حکام کا کہنا ہے کہ متاثرہ لڑکی کو طبی امداد فراہم کی جا رہی ہے جبکہ واقعے کی مکمل تحقیقات جاری ہیں۔