AsiaUrdu

شیخوپورہ کے علاقے صفدرآباد میں مکان کی چھت گرنے سے ایک کمسن لڑکا جاں بحق جبکہ دو افراد زخمی ہوگئے۔

ریسکیو ترجمان کے مطابق واقعہ ٹھوٹھیاں والا شاہکوٹ روڈ پر پیش آیا، جہاں چھت گرنے سے افراد ملبے تلے دب گئے۔

ریسکیو ٹیموں نے فوری کارروائی کرتے ہوئے زخمیوں کو نکالا اور ایک شخص کو موقع پر ابتدائی طبی امداد دی، جبکہ دوسرے زخمی کو ٹی ایچ کیو اسپتال صفدرآباد منتقل کر دیا گیا۔

حکام کے مطابق جاں بحق ہونے والے بچے کی شناخت 12 سالہ سیف کے نام سے ہوئی ہے، جبکہ زخمیوں میں 18 سالہ سفیان اور 15 سالہ نعمان شامل ہیں۔