AsiaUrdu

پاکستان ٹیسٹ ٹیم کے کپتان شان مسعود نے کپتانی سے مستعفی نہ ہونے کا فیصلہ کیا ہے اور وہ انگلینڈ کے دورے تک ٹیم کی قیادت جاری رکھنا چاہتے ہیں۔

ذرائع کے مطابق شان مسعود کا کپتانی چھوڑنے کا کوئی ارادہ نہیں اور وہ پہلے بھی چیئرمین پی سی بی سے انگلینڈ دورے تک وقت مانگ چکے ہیں۔

کہا جا رہا ہے کہ شان مسعود ٹیم کی مجموعی کارکردگی اور بعض سینئر بیٹرز کی کارکردگی سے ناخوش ہیں، تاہم وہ خود عہدہ چھوڑنے کے بجائے ذمہ داری نبھانا چاہتے ہیں۔

پی سی بی حکام کے مطابق ٹیم کے دورے سے واپسی پر شان مسعود اور سرفراز احمد کے ساتھ اہم میٹنگ متوقع ہے جس میں ٹیم کی کارکردگی پر رپورٹ بھی پیش کی جائے گی۔ فی الحال پی سی بی کی جانب سے کپتانی میں فوری تبدیلی کا کوئی ارادہ نہیں ہے۔