AsiaUrdu

پنجاب کے وزیر زراعت سید عاشق حسین کرمانی کی قیادت میں ایک اعلیٰ سطحی وفد نے برطانیہ میں مختلف سرگرمیوں کے دوران کپاس کی پیداوار بہتر بنانے کے لیے اقدامات پر زور دیا ہے۔

وفد میں پارلیمانی سیکرٹری برائے زراعت اسامہ خان لغاری، سیکرٹری زراعت افتخار علی سہو اور دیگر حکام شامل تھے۔ اس دوران وفد نے ایک عالمی کمپنی کے دفتر کا دورہ بھی کیا۔

وزیر زراعت نے کہا کہ کمپنی کے تعاون سے پنجاب میں کپاس کی بہتر اور معیاری پیداوار کے لیے عملی اقدامات کیے جائیں گے۔ ان کا کہنا تھا کہ جدید طریقوں اور تعاون سے کپاس کی پیداوار میں بہتری لائی جا سکتی ہے۔

سیکرٹری زراعت نے کہا کہ اس تعاون سے کپاس کی اعلیٰ کوالٹی کی پیداوار اور جدید زرعی رجحانات کو فروغ ملے گا۔