AsiaUrdu

آئرلینڈ میں جاری ویمن ٹی 20 ٹرائی سیریز میں پاکستان ویمن ٹیم کو مسلسل دوسری شکست کا سامنا کرنا پڑا ہے۔ آئرلینڈ ویمن ٹیم نے پاکستان کو 7 وکٹوں سے شکست دے دی۔

میچ میں پاکستان ویمن ٹیم نے پہلے بیٹنگ کرتے ہوئے 6 وکٹوں کے نقصان پر 176 رنز بنائے۔ جواب میں آئرلینڈ کی ٹیم نے ہدف 3 وکٹوں کے نقصان پر حاصل کر لیا۔

آئرلینڈ کی جانب سے ربیکا سٹوکیل نے 60 جبکہ ایمی ہنٹر نے 56 رنز کی شاندار اننگز کھیلی اور ٹیم کی کامیابی میں اہم کردار ادا کیا۔

پاکستان ویمن ٹیم اب سیریز میں اپنا تیسرا میچ 3 جون کو ویسٹ انڈیز کے خلاف کھیلے گی، جہاں ٹیم کم بیک کرنے کی کوشش کرے گی۔