AsiaUrdu

پاکستان کرکٹ ٹیم کا ٹیسٹ سکواڈ ویسٹ انڈیز کا دورہ مکمل کرنے کے بعد انگلینڈ پہنچ گیا ہے جہاں وہ میزبان ٹیم کے خلاف تین ٹیسٹ میچز کی سیریز کھیلے گا۔

قومی ٹیم 10 اگست سے باقاعدہ پریکٹس کا آغاز کرے گی جبکہ 12 اگست سے سلیکٹ الیون کے خلاف چار روزہ پریکٹس میچ بھی شیڈول ہے، جس کے ذریعے کھلاڑی خود کو کنڈیشنز سے ہم آہنگ کریں گے۔

پاکستان اور انگلینڈ کے درمیان سیریز کا پہلا ٹیسٹ میچ 19 اگست سے لیڈز میں کھیلا جائے گا، جس کے لیے شائقین کرکٹ میں بھرپور جوش و خروش پایا جا رہا ہے۔