AsiaUrdu

محکمہ زراعت نے گرمی کی شدت میں اضافے کے باعث بھنڈی توری کے کاشتکاروں کو اپنی فصل پر خصوصی توجہ دینے کی ہدایت کی ہے۔ اسسٹنٹ ڈائریکٹر محکمہ زراعت عامر صدیق کے مطابق شدید گرمی میں فصل پر کیڑے مکوڑوں کے حملے کا خطرہ بڑھ جاتا ہے۔

انہوں نے کہا کہ کاشتکار اپنی فصل کا باقاعدگی سے معائنہ کریں اور ہر دو سے تین دن بعد کھیتوں کی نگرانی جاری رکھیں تاکہ کسی بھی کیڑے کے حملے کا بروقت پتا چل سکے۔

محکمہ زراعت نے مزید ہدایت کی کہ اگر کسی جگہ کیڑوں کا حملہ محسوس ہو تو فوری طور پر ماہرین زراعت یا فیلڈ اسٹاف سے مشاورت کر کے مناسب کیڑے مار ادویات کا سپرے کیا جائے تاکہ فصل کو نقصان سے بچایا جا سکے۔