AsiaUrdu

ایران کی ورلڈ کپ فٹبال ٹیم کے حوالے سے انکشاف ہوا ہے کہ انہیں امریکہ میں اپنے میچ کے دن ہی داخل ہونے اور اسی دن واپس جانے کی اجازت دی گئی ہے۔

ایران کے میکسیکو میں تعینات سفیر کے مطابق ٹیم کو امریکہ میں قیام کی اجازت نہیں دی گئی اور ان کے ویزا پر سخت پابندیاں عائد کی گئی ہیں۔

سفیر ابوالفضل پسندیدہ نے صحافیوں سے گفتگو میں بتایا کہ ایرانی ٹیم صرف میچ کے دن ہی امریکہ میں داخل ہو سکے گی اور اسی روز واپس روانہ ہو جائے گی۔

رپورٹ کے مطابق ایران اور اسرائیل کے درمیان حالیہ کشیدگی کے بعد ٹیم کے ابتدائی تربیتی کیمپ کو بھی ایریزونا (امریکہ) سے منتقل کر کے میکسیکو میں منتقل کر دیا گیا ہے۔

ایرانی ٹیم کو ورلڈ کپ گروپ مرحلے میں امریکہ میں تین میچ کھیلنے ہیں، تاہم نئی سفری پابندیوں نے انتظامات کو پیچیدہ بنا دیا ہے۔