AsiaUrdu

آئی سی سی نے ون ڈے اور ٹیسٹ کرکٹ میں کھلاڑیوں کی نئی رینکنگ جاری کر دی ہے جس میں پاکستانی کھلاڑیوں کی کارکردگی میں بہتری دیکھی گئی ہے۔

بولنگ رینکنگ میں پاکستان کے اسپنر ابرار احمد دو درجے ترقی کے بعد دوسری پوزیشن پر پہنچ گئے ہیں۔ ون ڈے ٹیم کے کپتان شاہین شاہ آفریدی بھی چار درجے ترقی کے بعد نویں نمبر پر آ گئے ہیں۔

بیٹنگ رینکنگ میں ون ڈے فارمیٹ میں نیوزی لینڈ کے ڈیرل مچل پہلی پوزیشن پر برقرار ہیں جبکہ بابراعظم چھٹے نمبر پر موجود ہیں۔

ٹیسٹ بیٹنگ رینکنگ میں انگلینڈ کے ہیری بروک نے جو روٹ کو پیچھے چھوڑ کر پہلی پوزیشن حاصل کر لی ہے، جبکہ جو روٹ دو درجے تنزلی کے بعد تیسرے نمبر پر چلے گئے ہیں۔ بابراعظم اور محمد رضوان کی ٹیسٹ رینکنگ میں ایک، ایک درجے بہتری ہوئی ہے۔