AsiaUrdu

انٹرنیشنل کرکٹ کونسل نے جولائی 2026ء کے پلیئر آف دی منتھ ایوارڈ کے لیے امیدواروں کا اعلان کردیا ہے، جس میں ویسٹ انڈیز کے آل راؤنڈر جسٹن گریوز، انگلینڈ کے وائٹ بال کپتان ہیری بروک اور بنگلا دیش کے اوپنر تنزید حسن شامل ہیں۔

جسٹن گریوز نے جولائی میں سری لنکا اور پاکستان کے خلاف نمایاں کارکردگی کا مظاہرہ کیا۔ سری لنکا کے خلاف دو ٹیسٹ میچز کی سیریز کے پہلے ٹیسٹ میں انہوں نے 180 رنز کی شاندار اننگز کھیلی اور ویسٹ انڈیز کو سیریز میں ایک صفر کی برتری دلانے میں اہم کردار ادا کیا۔

انگلینڈ کے ہیری بروک نے بھارت کے خلاف ٹی ٹوئنٹی سیریز میں جارحانہ بیٹنگ کرتے ہوئے پانچ میچز میں 229 رنز بنائے۔ ان کی بیٹنگ اوسط 114.50 جبکہ اسٹرائیک ریٹ 214.01 رہا، جس پر انہیں سیریز کا بہترین کھلاڑی بھی قرار دیا گیا۔

بنگلا دیش کے تنزید حسن نے زمبابوے کے خلاف ون ڈے سیریز میں تین میچز کے دوران 159 رنز بنائے، جبکہ ٹی ٹوئنٹی سیریز میں 140 رنز اسکور کیے۔ وہ دونوں فارمیٹس کی سیریز میں سب سے زیادہ رنز بنانے والے بلے باز رہے۔

تینوں کھلاڑیوں کی شاندار کارکردگی کے باعث انہیں جولائی کے پلیئر آف دی منتھ ایوارڈ کے لیے شارٹ لسٹ کیا گیا ہے۔