AsiaUrdu

گوجرانوالہ کے علاقے گرجاکھ کے کریم پورہ میں دو گروپوں کے درمیان لڑائی جھگڑے کے دوران ہوائی فائرنگ نے ایک معصوم جان لے لی۔ 19 سالہ لڑکی اقرا اپنی گھر کی چھت پر موجود تھی کہ اچانک فائرنگ کے دوران گولی لگنے سے جاں بحق ہوگئی۔

پولیس حکام کے مطابق جھگڑا ڈوگر اور مغل گروپ کے درمیان ہو رہا تھا۔ فائرنگ کے بعد ملزمان موقع سے فرار ہوگئے۔

واقعے کی اطلاع ملتے ہی پولیس موقع پر پہنچ گئی اور لاش کو ہسپتال منتقل کر دیا گیا۔ پولیس کا کہنا ہے کہ ملزمان کی گرفتاری کیلئے مختلف مقامات پر چھاپے مارے جا رہے ہیں اور جلد انہیں گرفتار کر لیا جائے گا۔