AsiaUrdu

فیصل آباد میں محکمہ زراعت کے شعبہ پلانٹ پروٹیکشن نے امرود کے باغبانوں کو ہدایت کی ہے کہ وہ برسات کے موسم میں اپنے باغات کی خاص دیکھ بھال کریں۔ ماہرین کے مطابق اس موسم میں پھل کی مکھی امرود کی فصل کو شدید نقصان پہنچاتی ہے۔ یہ مکھی پھل میں سوراخ کر کے انڈے دیتی ہے، جن سے نکلنے والی سنڈیاں پھل کے گودے کو کھا جاتی ہیں اور پھل خراب ہو جاتا ہے۔

محکمہ زراعت نے باغبانوں کو مشورہ دیا ہے کہ جیسے ہی حملے کی ابتدائی علامات ظاہر ہوں، فوری طور پر ماہرین سے رابطہ کریں اور مناسب حفاظتی اقدامات کریں تاکہ فصل کو نقصان سے بچایا جا سکے اور بہتر پیداوار حاصل ہو۔