AsiaUrdu

فیصل آباد میں محکمہ زراعت نے کاشتکاروں کو ہدایت جاری کی ہے کہ وہ گنے کی فصل کو گھوڑا مکھی اور بوررز کے حملے سے محفوظ رکھنے کیلئے بروقت احتیاطی اور تدارکی اقدامات کریں۔

حکام کے مطابق یہ کیڑے فصل کو شدید نقصان پہنچا سکتے ہیں جس سے پیداوار میں نمایاں کمی کا خدشہ ہوتا ہے۔ کاشتکاروں کو مشورہ دیا گیا ہے کہ وہ باقاعدگی سے اپنی فصل کا معائنہ کریں اور متاثرہ پودوں کی فوری نشاندہی کر کے مناسب زرعی ادویات کا استعمال یقینی بنائیں۔

مزید کہا گیا ہے کہ بروقت اقدامات نہ کرنے کی صورت میں نقصان بڑھ سکتا ہے، اس لیے کاشتکار جدید زرعی طریقوں کو اپنائیں اور ماہرین کی ہدایات پر عمل کریں تاکہ گنے کی بہتر پیداوار حاصل کی جا سکے۔