AsiaUrdu

فیصل آباد میں محکمہ زراعت نے کاشتکاروں کو ہدایت کی ہے کہ وہ پیٹھا کدو کی پچھیتی کاشت 31 جولائی تک مکمل کر لیں تاکہ بہتر پیداوار حاصل کی جا سکے۔ زرعی ماہرین کے مطابق تاخیر سے کاشت کرنے کی صورت میں فصل کی پیداوار متاثر ہو سکتی ہے۔

ماہرین کا کہنا ہے کہ اگر کاشت مقررہ وقت پر مکمل کی جائے تو پیٹھا کدو کی فصل اکتوبر میں تیار ہو جاتی ہے۔ کاشتکاروں کو مشورہ دیا گیا ہے کہ وہ زرخیز اور پانی کے اچھے نکاس والی زمین کا انتخاب کریں تاکہ فصل بہتر نشوونما پا سکے۔

مزید بتایا گیا ہے کہ کاشت سے پہلے کھیت کو 2 سے 3 مرتبہ ہل چلا کر تیار کیا جائے اور مناسب فاصلے پر پٹڑیاں بنائی جائیں۔ کھاد کے مناسب استعمال اور بیج کی درست مقدار سے اچھی پیداوار حاصل کی جا سکتی ہے۔