AsiaUrdu

محکمہ زراعت نے کاشتکاروں کو کریلے کی فصل سے جڑی بوٹیاں اور خود رو پودے فوری طور پر تلف کرنے کی ہدایت جاری کی ہے تاکہ فصل کی بھرپور پیداوار حاصل کی جا سکے۔

زرعی ماہرین کے مطابق کریلے کی فصل میں جڑی بوٹیوں کی موجودگی سے پودوں کی نشوونما متاثر ہوتی ہے اور پیداوار میں کمی آ سکتی ہے۔ اس لیے کسانوں کو ہدایت دی گئی ہے کہ وہ مناسب وقت پر کھیتوں میں گوڈی کریں اور غیر ضروری پودوں کا خاتمہ یقینی بنائیں۔

ماہرین نے بتایا کہ 4 سے 5 مرتبہ مناسب وتر میں گوڈی کرنے سے فصل کو بہتر ماحول ملتا ہے اور اس کی پیداوار میں نمایاں بہتری آ سکتی ہے۔

محکمہ زراعت کے فیلڈ سٹاف کو بھی ہدایت کی گئی ہے کہ وہ کاشتکاروں کو رہنمائی فراہم کریں اور کسی بھی مسئلے کی صورت میں فوری معاونت یقینی بنائیں تاکہ فصل کو نقصان سے بچایا جا سکے۔