AsiaUrdu

محکمہ زراعت توسیع سمبڑیال کے اسسٹنٹ ڈائریکٹر ڈاکٹر افتخار حسین بھٹی نے کاشتکاروں کو ہدایت کی ہے کہ ربیع اور خریف کی فصلوں کی کاشت سے پہلے زمین کا تجزیہ ضرور کروائیں۔

انہوں نے کہا کہ کاشتکاروں کو چاہیے کہ کم از کم ہر تین سال بعد مٹی کا تجزیہ کروائیں تاکہ کھادوں کا درست استعمال ممکن ہو سکے اور فصل کی پیداوار بہتر بنائی جا سکے۔

ڈاکٹر افتخار حسین بھٹی کے مطابق نائٹروجنی کھاد کا بڑا حصہ ہوا میں ضائع ہو جاتا ہے جبکہ فاسفورس کا غلط استعمال اور پوٹاش کی کمی بھی پیداوار میں کمی کی اہم وجوہات ہیں۔

انہوں نے کہا کہ ماہرین زراعت کے مشورے کے بغیر کھادوں کا استعمال نقصان دہ ہو سکتا ہے، اس لیے باغات اور فصلوں میں متوازن کھادوں کا استعمال ضروری ہے تاکہ فی ایکڑ زیادہ پیداوار حاصل کی جا سکے۔